Turkish Draamon ne Senate ka dimagh kharab kar dia! :P
By Zainab Sajjad On 31 Dec, 2012 At 06:37 PM | Categorized As Entertainment News, News | With 0 Comments

By Zainab Sajjad

Parliament House main committee ki ik meeting main ye baat samnay ayi ke jo cheezen in firangi programmes main dikhai ja rahi hain wo Pakistani culture se bilkul mukhtalif hain. Bari jaldi khayal agaya :P

Jub committee members ne Pakistan Electronic Media Regulatory Authority (PEMRA) per tanqeed ki k wo “free for all” wali baat per amal nhe kara paye to PAMRA ke chairman Abdul Jabbar ne kaha ke in logon ne courts se stay orders le kar humaray hath baandh diay hyn. Aww becharay :/

“Humari bezati ki jati hy courts main, khas taur per apex court main, jub hum in programmes ya channels ke khilaf koi action lyte hyn tou,”aur unho ne ye bhe kaha ke : “Jub bhe hum unke khilaaf notice jari kartay hain ghair muhazzib cheezen dikhanay per to wo humaray khilaaf application file kar dete hyn.”

Senator Kamil Ali Agha ki sadarat main ye meeting hui jis main private channels per dykhaye janay walat ghair mulki programmes ke hawalay se baat cheet hui. Dr Saeeda Iqbal, jo ke committee ki ik member hainn unho ne kaha ke, Turkish aur Spanish dramay bhe dikhaye ja rahe hain humaray ik channel per.

“Jub ap ne Indian programs per pabundi laga di hy Pakistan main chalnay se to phr aur mulkon ke programmes ke khilaf koi karwai kyun nhe ho rahi.” Senator Saeeda ke ye alfaaz thay. “Kya ap ne un dramon ki maqsadiyat aur un main pehna janay walay libaas per ghaur kia hy.” Han kyun ki saas bhi kabhi bahu thi jo dykhna tha aunty ko :P

PEMRA ke chairman ne kaha ke Turkish aur Spanish programmes ke khilaaf notices jari huay hain in channels ko, lykin jub final shutdown notice dia gaya, to in channels ne stay order le lia Sindh court se.

“Humaray paas stay orders hain show-cause notices k khilaaf aur warnings bhe hyn Lahore se aur Islamabad se bhe. Phr hum se koi kaise ye keh sakta hy ke hum unke khilaaf koi karwai nhe kar rahe,” Mr Jabbar ne kaha. “Sirf in programmes ki baat nahe hy bulkay tumaam news aur entertainment channels ne PEMRA ke hukum na maannay ke liay stay orders issue kara rakhe hain.”

Information Secretary Chaudhry Rasheed ne meeting main ye itlaa di ke local advertising industry ko sponsors ki open policy ne both nuqsaan puchaya hai aur bohat saray ishtehaar ayse hain jin main ghair mulki models ko lia gaya hy. Aur unhon ne kaha, “Ab entertainment industry main bhi kuch aisi he surat e haal hy”.

Aur meeting main bataya gaya ke qanoon ke mutabiq channels ko ijazat hy ke wo 10 feesat tak ghyr mulki cheezen dikha sakta hain. Jis main 6 feesat tak India ka shumara hy aur baqi 4 % aur mulkon ka.

“Magar masla ye hai ke kafi TV channels prime time main ghair mulki programmes dikha rahe hain,” PTV Managing Director Yousuf Beg Mirza ne isy baray main kaha ke: “Jub ke PTV  per sakht pabundi hy kisi bhi ghair mulki cheez dikhanay per, isi wajah se tamaam revenues private channels ki taraf ja rahe hain.”

News Source: Dawn

Picture Source: Dawn

About -

Leave a comment

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>